Bounce Rate kya hai, WordPress Blog Bounce Rate kaise kam kare [ Increase pageviews ]

Swagat hai mitron, BloggingJankari aur ek nayi post me achhi jankari ke saath. Jaise ki aapko title me se saaf pata chalgea hoga ki mein aaj aapse bat karunga ki Bounce Rate kya hai, WordPress blog Bounce Rate kaise kam kare aur pageviews badhaye apne blog ki.

Blogging me agar aap thode se experienced ho gaye honge toh “bounce rate” term aapne kabhi na kabhi jarur suna hoga. Toh bahut se newbie ke dimag me sawal aata hai, mere dimag me aaya tha ki bhai bounce rate kya hai ? Iska kya role hai ? Yeh kya show karta hai ? Yeh jyada ya Kam honi chahiye ? Aise anginat sawal.Aaj is post Bounce Rate kya hai, WordPress blog Bounce Rate kaise kam kare se aapke sare doubts clear hone wale hein.

Tohaaiye jante hein.

Mitron, shuru shuru me almost sare bloggers ke dimag me yeh ek baat jarur Hoti hai ki blog me visitors la pana bada hi mushkil kaam hai. Jabki kuch wordpress experts ke mutabik blog me visitors gain karna easy hai, visitors ka website par consistently stay hona mushkil hai. Maximum visitors ek page me hi aate hein, reading karne ke baad dusre kisi page me enter nahi karte. Is tarah se visitors ka other pages visit na karne ki wajah se bounce rate increase hoti hai aur pageviews bhi Kam hote Hein. Sabse main chiz jise yeh affect karti hai woh hai Ad revenue. Aaj is article me mein apke saath share karunga kuch tips & tricks jis se aap apni blog ki pageviews badha payenge aur bounce rate automatically kam ho jayegi.

First Basic Knowledge.

Bounce Rate kya hai ?

Bounce rate un visitors ki percentage show karta hai jo blog me aate hein lekin other pages me nahi jate hein aur “bounce” (site chhodna) kar jate hein. Pageview – ek single web page ko Internet site pe load karne ki request ko kaha jata hai. Blogging Jankari me hum Google Analytics use karke in sab data ko track karte hein. Yeh bhi padhe WordPress site me Google analytics kaise Install kare.

Ab aap jan gaye honge ki Bounce rate kya hai. Lekin ek sawal aapke mann me jarur aa raha hoga ki Bounce rate matter kyun Karti hai ?

Agar ek website ads me se revenue kamati hai, toh pageviews matter karta hai. Lekin agar aap loyal audience paana chahte Hein, toh bounce rate matter karta hai. Bounce rate ke kam hone se aapki eCPM (cost per thousand) aur CPC ( cost per click ) bhi increase hoti hai. Kyunki same user ke dusre pages visit karne se ad provider aur jyada better ad provide karta hai jis se blog ki eCPM aur CPC increase hoti hai.

Niche maine jo bhi tips and tricks bataye hein sare ke sare methods kayi successful bloggers recommend karte hein aur hum personally bhi in methods Ko Blogging Jankari me apply kar chuke hein aur end result kafi amazing rahi.

P.S. Agar aap quality content provide kar rahe hein toh yeh tips and tricks kam karenge

WordPress Blog Bounce Rate kaise kam kare

Posts Interlinking kare

Agar posts ki interlinking sahi se Kiya jaye toh pageviews me kafi badhotri dikhi ja sakti hai. WordPress 4.9 me yeh kafi easy task ban chuka hai. Aap easily jis bhi post ko link karna chahte hein use search karke simply link kar sakte hein. Interlinking technique tab jyada faydemand hoti hai jab aapke blog me dher sare article ho. Waise kam article hote huye bhi interlinking kar sakte hein. Starting me sabke paas kam articles hote hein. Aap is task ko manually kar sakte hein ya phir chahe toh plugin ke madad se bhi kiya ja sakta hai. Interlinking se na sirf aapki website ki pageviews badhte Hein, balki Bounce rate aur SEO bhi improve hoti hai. Agar aap jan na chahte Hein ki interlinking kya hai aur kaise ki jati hai toh aap is post ko gaur se dekh sakte hein. Aapko jagah jagah par blue colour me sentences dikhenge.

Article ke End me Related Posts show kare

Visitors ka blog leave karne ke jitne bhi reasons hein unme se ek hai related posts show nahi karna. Jis se visitors Ko yeh nahi pata chal pata hai ki next kya padhna hai ya karna hai. Article ke end me aap “related posts” or “other popular posts” tab show karke visitors Ko other pages me le jaa sakte hein. Related posts add karne ke bahot sare techniques hein. Aap YARPP plugin ko use karke easily related posts show kar sakte hein. Categories, tags or author ke base me Related Posts show kiya jaa sakta hai.

Homepage/Archive page me Excerpts show kare

Homepage or archive page me excerpt show karne ke two advantages Hein. First, page load time improve hoti hai, second, pageviews increase hoti hai. Home page or archive page me kabhi bho full post show karne ki galti kabhi mat kare. Full post show karne se page load time increase hone ke saath saath UI bhi boring lagne lagti hai. Jis se user site leave karne pe majboor ho jate Hein. WordPress settings » reading me Jaa kar ise aap kar sakte hein. Most WordPress themes me Excerpts show karne ke liye built in feature hoti hai.

Ye Bhi Padhe :

Long Posts Ko Split Kare

Kya aap super long Posts likhte Hein ? Well, aap wordpress me <!-nextpage-> tag use karke single page ko split karke multiple pages me convert kar sakte hein. Is chiz ko apne post me apply karne ke liye post me sufficient content hona jaruri hai. Otherwise, visitors narazgi jata sakte hein. Bahut se bade websites aur blogs jaise Forbes, Business insider ko yeh technique utilize karte humne dekha hai.

Sidebar Ko Interactive Banaye

Pageview badhane me aur bounce rate kam karne me sidebar ek crucial role play karta hai. Aap apne sidebar me popular posts ki list or thumbnail show kar sakte hein. Recent posts show kar sakte hein day, week or hour ke base pe. Aap apne blog ke other sections Ko integrate karke sidebar me show kar sakte hein aur sidebar Ko Interactive bana sakte hein.

Ye Bhi Padhe :

Toh doston, yeh thi aaj ki Jankari ki Bounce Rate kya hai, WordPress blog Bounce Rate kaise kam kare. Agar article aapke liye helpful rahi toh doston tak pahunchaye aur share kare. Internet aur Blogging se Judi Jankari pate rahne ke liye aap humari newsletter ko Subscribe kar sakte hein aur social media sites par humhe follow kar sakte hein.

Blogging Jankari me aane ke liye bahut bahut sukriya.

Majhar

I'm currently studying B.pharma. I blog in my spare times and share knowledge with you guys. It's been 4 years since I've been blogging. Here I share articles related to WordPress, Blogging, Internet and stuffs similar to these. I Hope, aapko kafi kuch Jan ne Ko milega.

Leave a Reply

Your email address will not be published. Required fields are marked *